ဝင့်ကြွားလိုစိတ်ကြောင့် ယိုင်နဲသွားတဲ့အိမ်ထောင်ရေး (၂)

ကိုယ့်ရဲ့လိမ်ညာမှုတွေပိရိအောင် ကျွန်မကိုယ့်ကျွန်မ အရင်ညာရပါတော့တယ်။ ၁၅နှစ်အရစ်ကျငွေပေးသွင်းရလည်း ကျွန်မပြောတဲ့ရပ်ကွက်က အိမ်တစ်လုံးကိုတော့ ရအောင်ဝယ်မယ်လို့ ကိုမျိုးမင်းကို ကျွန်မပြောလိုက်တယ်။ အိမ်ဟောင်းပဲဖြစ်နေပါစေ.. ဝယ်ကိုဝယ်မှရမယ်။

အိမ်ခြံမြေရောင်းဝယ်ရေးဖုန်းနံပါတ်ကို အဆင်သင့်တွေ့တာနဲ့ ကျွန်မချက်ချင်းဆက်သွယ်လိုက်ပါတယ်။ အလျင်စလိုရောင်းထွက်ချင်နေတဲ့ အဲဒီအိမ်ရဲ့တည်နေရာက ကျွန်မနဲ့ အရမ်းသင့်တော်ပါတယ်။ အခန်းသုံးခန်းပါတဲ့အိမ်ဖြစ်တဲ့အပြင် တခြားအိမ်ဟောင်းထက်လည်း ဈေးနိမ့်ပါတယ်။




ကျွန်မအပြောကို ကိုမျိုးမင်းမလွန်ဆန်နိုင်တော့ ဂဏန်းတွက်စက်တစ်လုံးနဲ့ အိမ်မှာစုထားသမျှကို တွက်ချက်ကြည့်နေပါတယ်။ အိမ်ဟောင်းကိုဝယ်ပြီး ပြန်ပြင်ခရယ်၊ ငွေတစ်ဝက်အရင်ချေဖို့အတွက်ရယ်က ကျွန်မတို့မှာရှိတဲ့ငွေနဲ့ လောက်ပါတယ်။ အရစ်ကျချေရမယ့် ဘဏ်ချေးငွေအတွက်လည်း ကျွန်မတို့ကိုက်ညီပါတယ်။ အိမ်က နည်းနည်းပါးပါးပြင်ပြီးတာနဲ့ ပြောင်းနေလို့ရနေပါပြီ။ ကျွန်မရင်ထဲ စို့နေတဲ့အလုံးက ခုမှကျသွားပါတယ်။ အခုအချိန်မှာ ဘယ်သူက ဘယ်မှာနေလဲလာမေးရင် ကျွန်မရင်ကော့ပြီး ဖြေလို့ရပါပြီ။

စည်သူစိုးက မကြာခဏဆိုသလို ကျွန်မကိုဆက်သွယ်လာပါတယ်။ ကျွန်မမှာ အိမ်ထောင်ရှိပြီမို့ မကြာခဏတွေ့ဖို့မသင့်ကြောင်း သူ့ကိုပြောပါတယ်။ ယောက်ျားကလည်း ကျွန်မအပေါ်အရမ်းကောင်းတာမို့ ဒီ့အတွက်နဲ့ အထင်မလွဲစေချင်ပါဘူး။ အဓိကအချက်ကတော့ ကျွန်မလိမ်ထားသမျှ ပေါ်မှာကိုပဲ ကျွန်မကပိုကြောက်နေခဲ့တာပါ။ ကျွန်မဘဝသာယာနေကြောင်းကို သက်သေပြချင်လို့ ကျွန်မအမြန်ဖာထေးနေပါတယ်။

အိမ်ထောင်ပရိဘောဂကို ကျွန်မအသစ်တွေချည်း ဝယ်မှာပါ။ အဝတ်ဘီရိုကို ဥရောပစတိုင်လ်၊ ပြတင်းပေါက်ကို သံဇကာတွေနဲ့၊ တံခါးပေါက်က ကြည့်ရတာ နည်းနည်းပုံတုံးတာမို့ လဲရမှာပါ။ အိမ်သုံးလျှပ်စစ်ပစ္စည်းတွေအကုန်လုံး လှတာခိုင်တာတွေနဲ့ အကုန်အသစ်ပြောင်းလိုက်မှာပါ။ ကျွန်မရဲ့အစီအစဉ်နဲ့ လဲမယ့်အရာအားလုံးကို စာရင်းလုပ်ပြီး ကိုမျိုးမင်းကိုပြလိုက်ပါတယ်။ သူကြည့်ပြီး လန့်သွားပါတယ်။

“အိမ်ဟောင်းဆိုတော့ နည်းနည်းပါးပါးပြင်ရုံပဲဆို.. ခုဒီဟာတွေက သိန်း၁ဝဝ၊ ၂ဝဝ လောက်ကုန်မှာပဲ”
အခုမပြင်လည်း နောင်ပြင်ရမယ့်အတူတူ တစ်ခါတည်းအကောင်းစားတွေဝယ်ထည့်လိုက်တော့ နောက်မပြင်ရတော့ဘူးပေါ့လို့ ကျွန်မချွဲနွဲ့ပြောလိုက်တယ်။

“ပိုက်ဆံ ဘယ်မှာလဲ.. အိမ်ဝယ်လိုက်ကတည်းက ငါတို့ငွေကြပ်နေပြီ။ ပြီးတော့ လတိုင်းအရစ်ကျငွေသွင်းရဦးမယ်၊ သမီး ပညာရေးအတွက် ငွေလိုဦးမယ်၊ အဲအချိန်ကျရင် ဘယ်နားသွားယူမလဲ”
“အဲဒီအချိန်ရောက်ရင် အလိုလိုဖြစ်သွားမှာပါ။ ကိုမျိုးမင်းအစ်ကိုက သူဋ္ဌေးပဲ.. သူ့ဆီချေးကြည့်ပါလား.. ကျွန်မလည်း ကျွန်မမိဘဆီ နည်းနည်းချေးလိုက်မယ်။ သူတို့ပင်စင်ကြေးတွေ တိုးလာပြီ။ သူတို့က အသုံးမလိုသေးဘူး”
“ဒီငွေတွေကလည်း ပြန်ဆပ်ရမှာလေ… အတူတူပဲမဟုတ်လား”
“ဘာလဲ… ရှင်က ကျွန်မတို့တစ်မိသားစုလုံးကို တစ်သက်လုံး ဒီအိမ်စုတ်ထဲမှာပဲ နေစေချင်တာလား.. စားဝတ်နေရေးအရည်အသွေးကို မြင့်လိုက်တော့ ဘာဖြစ်သွားမှာမို့လဲ”
မျက်နှာလိုမျက်နှာရနဲ့ ပိုက်ဆံချေးဖို့ ကိုမျိုးမင်းမရဲတော့ ကျွန်မကိုယ်တိုင်လိုက်ချေးတော့တယ်။ ပစ္စည်းဝယ်၊ အိမ်ပြင်၊ အိမ်ထောင်ပရိဘောဂဝယ်၊ အိမ်သုံးပစ္စည်းဝယ်တာတွေအားလုံးကို ကျွန်မကိုယ်တိုင်လိုက်လုပ်ခဲ့တယ်။ နောက်ဆုံးတီဗွီဝယ်ချိန်မှာငွေလိုလို့ သူဇာ့ဆီမှာ ကျွန်မချေးလိုက်ရသေးတယ်။ ဟိုဟိုဒီဒီ သိန်းတစ်ရာကျော်လောက်ချေးပြီး အိမ်ပြီးသွားတော့ ကျွန်မတို့ ပြောင်းနေလိုက်တယ်။

တစ်ခုခုလိုနေသေးတယ်လို့ ကျွန်မထင်နေတုန်းပါပဲ.. ဟုတ်တယ်.. အိမ်ကားတစ်စီးလိုတယ်။ ဒါကိုတော့ ကိုမျိုးမင်းကို ကျွန်မ မပြောတော့ဘူး။ ပြောရင်လည်း သူက သဘောတူမှာမဟုတ်ပါဘူး။
ကျွန်မတို့ပြောင်းနေတဲ့ရပ်ကွက်က ဝင်ငွေအလယ်အလတ်ရှိသူတွေပါ။

ကိုယ့်ကိုယ်ကိုယ်မျက်နှာသာရအောင် ကျွန်မရဲ့ပြင်ဆင်မှုတွေကို ကျွန်မဂရုစိုက်ခဲ့ပါတယ်။ အဝတ်အစားတွေဝယ်၊ အလှပြင်ပစ္စည်းတွေဝယ်ပြီး ကိုယ့်လူနေမှုအဆင့်အတန်းကို ကျွန်မတိုးမြင့်လိုက်ပါတယ်။ ကားမရှိသေးပေမယ့် ကျွန်မဘတ်စ်ကားမစီးတော့ပါဘူး။ ကျွန်မလည်းပိုက်ဆံရှိသူပါလို့ သက်သေပြနိုင်အောင် အပြင်ထွက်တိုင်း တက္ကစီငှားစီးလိုက်ပါတယ်။ သုံးငွေက အရင်ကထက် ပိုမြင့်သွားတော့တယ်။ ငွေကုန်မယ့်အတူတူ ကိုမျိုးမင်းနဲ့သေချာဆွေးနွေးပြီး အိမ်ကားတစ်စီးတော့ရအောင် ဝယ်ဦးမယ်လို့ ကျွန်မတွေးလိုက်တယ်။

လက်ထဲကိုင်ထားတဲ့ ချေးငွေစာရင်းကိုကြည့်ပြီး ကိုမျိုးမင်းမျက်နှာက သုန်မှုန်နေပါတယ်။
“ပိုက်ဆံလည်း မရှိတော့ဘူး.. အကြွေးကလည်းဆပ်ရမှာဆိုတော့ ဒါဟာ ကျွန်မတို့ကို ပိုအလုပ်လုပ်ဖို့ တွန်းအားဖြစ်စေပြီပေါ့။ အခု ရှင်လုပ်နေတဲ့အလုပ်က နေရာမြဲတယ်ဆိုပေမယ့် တခြားဘာဝင်ငွေမှ မရဘူး။ ကျွန်မတို့ချေးထားတဲ့ငွေက ဘယ်တော့ကျမှ အကြေဆပ်နိုင်မလဲ။ ဒီလိုလုပ်ပါလား ကိုမျိုးမင်း… ရှင့်အစ်ကိုနဲ့တိုင်ပင်ပြီး သူနဲ့အတူ စီးပွားတစ်ခုခုတွဲလုပ်ကြည့်ပါလား… ဒီလိုဆို ပိုအဆင်ပြေမယ်ထင်တယ်”
“စီးပွားအတူတွဲလုပ်ချင်သေးတယ်.. ဟုတ်လား… သူ့ဆီမှာ ပိုက်ဆံချေးလို့ သူ့မျက်နှာကြောက တင်းနေတဲ့ကြားထဲ။ ချေးထားတဲ့ပိုက်ဆံကို မြန်မြန်ဆပ်ပါတဲ့.. တစ်နေ့ကပဲ လာပြောသွားပြီးပြီ။ စီးပွားအတူတွဲလုပ်ဖြစ်တော့ရော ငါတို့ချေးထားတဲ့ပိုက်ဆံကို သူက မဆပ်နဲ့လို့ပြောမှာမို့လား.. ကုန်သည်ပါဆိုမှ ဆွေမျိုးသားချင်းတော်တာမတော်တာတွေ တွက်နေမှာမဟုတ်ဘူး”
ကိုမျိုးမင်း ဒေါသထွက်နေပါပြီ။

“ဒါဆို ကျွန်မတို့ဘယ်လိုလုပ်မလဲ.. အခု ငွေကြပ်ပြီလေ”
“ဒီလိုငွေကြပ်အောင် နင်ကိုယ်တိုင်လုပ်ခဲ့တာ။ အဲဒီအိမ် မဝယ်မနေရ၊ ပရိဘောဂအသစ်မဝယ်မနေရ၊ ပစ္စည်းအကောင်းစားတွေ မဝယ်မနေရလို့သာ နင်မလုပ်ခဲ့ရင် ငါတို့ဒီလောက်ကြပ်မလား..”
ပိုက်ဆံကြောင့်… ဒါဟာ လက်ထပ်ပြီးနောက် ကိုမျိုးမင်းနဲ့ကျွန်မ ပထမဆုံးအကြိမ် အကြီးအကျယ်ရန်ဖြစ်တဲ့အကြိမ်ပါပဲ။ အပိုဝင်ငွေရအောင် အလုပ်သုံးခုလုပ်ဖို့ ကျွန်မဆုံးဖြတ်လိုက်ပါတယ်။ တခြားကုမ္ပဏီမှာ အချိန်ပိုင်းစာရင်းကိုင်လိုမလို သူဇာ့ဆီမှာ ကျွန်မနားစွင့်နေမိတယ်။ သူဇာကတော့ ကျွန်မပင်ပန်းမှာစိုးလို့ မလုပ်ဖို့တားပါသေးတယ်။ ကိုမျိုးမင်းက ကျွန်မကို ဂရုစိုက်သလိုမစိုက်သလိုဖြစ်နေပြီမို့ ကျွန်မအသုံးစရိတ်အတွက် အလုပ်ပြီးချိန် အချိန်ပိုင်းအလုပ် ကျွန်မလုပ်လိုက်ပါတယ်။
ညပိုင်းအိမ်မှာနေပြီး ကျွန်မအလုပ်ဆက်လုပ်ပါတယ်။ သမီးစုစုက အငြိမ်မနေတော့ပါဘူး။ စာကြည့်ခန်းထဲ ပြေးဝင်လိုက် ပြေးထွက်လိုက်လုပ်နေပါတယ်။ စုစုကိုထိန်းဖို့ ကိုမျိုးမင်းကို ကျွန်မပြောတော့ သူက ကိုယ်နဲ့မဆိုင်သလိုနေပြီး
“ဒီလောက်ပင်ပင်ပန်းပန်းလုပ်နေတာ ဘာအတွက်လဲ.. နင်ရဲ့ဝင့်ကြွားလိုစိတ်အတွက်ပဲ မဟုတ်လား.. ခုတော့ အရသာသိပြီမဟုတ်လား”လို့ ဆိုပါတယ်။

ကိုမျိုးမင်းစကားက ကျွန်မအရှိုက်ကိုထိပါတယ်။ ကျွန်မခံရခက်ပေမယ့် ဒါတွေဟာ ကျွန်မကိုယ်တိုင်ဖန်တီးခဲ့တာမို့ ကျွန်မဘာတတ်နိုင်တော့မလဲ…
နှစ်ဝက်လောက်ကြာတော့ ကိုမျိုးမင်းအစ်ကိုက ငွေမလည်လို့ ချေးထားတဲ့ငွေ အမြန်ပြန်ဆပ်ပါလို့ ဆိုလာပါတယ်။ ကိုမျိုးမင်းက တတွတ်တွတ်ရွတ်လို့ မပြီးနိုင်တော့ပါဘူး။
“ကြည့်.. အခုတော့ အဲဒီပိုက်ဆံတွေ ဘယ်နားသွားယူမလဲ… ငါတို့ လတိုင်း အိမ်ခန်းခလည်းသွင်းရဦးမယ်.. ပြီးတော့….”
“ကျွန်မအကြံထုတ်ဖို့ အချိန်ပေးပါဦး… ကျွန်မလည်း ဝင်ငွေပိုရအောင် အလုပ်တွေပိုလုပ်နေတာပဲ.. ရှင်က ဘာဖြစ်ချင်တာတုန်း..” ကိုယ့်အမှားမှန်းသိပေမယ့် ကျွန်မသည်းမခံနိုင်ဘဲ အော်ဟစ်လိုက်မိတယ်။
အဲဒီနောက် သူ့အစ်ကိုဆီချေးထားတဲ့ငွေကို သူဇာ့ဆီမှာနည်းနည်း၊ ကျွန်မမိဘဆီမှာနည်းနည်းချေးပြီး ဆပ်ပေးလိုက်တော့တယ်။ သူငယ်ချင်းအရင်းက ကိုယ့်ယောက်ျားထက်အားကိုးရတော့ ကိုမျိုးမင်းကို ကျွန်မစိတ်ကုန်လာခဲ့တော့တယ်။

ငွေရေးကြေးရေးနဲ့ပတ်သက်ပြီး ကိုမျိုးမင်းနဲ့ကျွန်မအခြေအနေက ဆိုးသထက်ဆိုးလာခဲ့တယ်။ ကျွန်မအပေါ်ကြည့်တဲ့ သူ့မိဘ၊ သူ့အစ်ကိုတို့ရဲ့အမြင်ကလည်း ပြောင်းလာခဲ့တယ်။ လိမ္မာပါးနပ်နဲ့ချွေးမက ဘယ်လိုလုပ်ပြီး ကိုယ့်အထွာကို မသိရတာလဲလို့ သူတို့ကပြောပါတယ်။

အခု ကျွန်မအခြေအနေက တော်တော်ကြပ်တည်းနေပါတယ်။ စိတ်ဖိအားလည်း များလွန်းပါတယ်။ ဒါတောင် ကျွန်မက နေထိုင်မှုအရည်အသွေးကို နိမ့်မချချင်ခဲ့ပါဘူး။ နွေးနွေးထွေးထွေးရှိပြီး မယားချစ်တတ်တဲ့ကိုမျိုးမင်းဟာ ငွေရေးကြေးရေးနဲ့ပတ်သက်ပြီး ကျွန်မနဲ့ရန်ဖြစ်လိမ့်မယ်လို့လည်း ကျွန်မ မထင်ခဲ့မိပါဘူး။ အခုတော့ သူနဲ့ကျွန်မရဲ့အခြေအနေက တော်တော်ဆိုးနေပါပြီ။

သူဒီလိုဆက်နေသွားနိုင်မယ်လို့ ကျွန်မမထင်ပါဘူး။ မတော်တဆ ကွာရှင်းလိုက်ရင်ရော.. ကြီးလေးတဲ့အကြွေးနဲ့ အိမ်အရစ်ကျငွေတွေကို ကျွန်မတစ်ယောက်တည်း ဘယ်လိုပေးဆပ်နိုင်မလဲ။
ကျွန်မတို့ကွာရှင်းလိုက်ရင် သမီးစုစုကရော ဘယ်လိုဖြစ်သွားမလဲ။ ဒီပြဿနာတွေက ကျွန်မကို အိပ်မရအောင်နှိပ်စက်နေပါပြီ။ ကျွန်မစိတ်က ပိုပိုရှုပ်ထွေးလာပြီး ကျွန်မရဲ့အိမ်ထောင်ရေးက ဘယ်ကိုဦးတည်သွားမလဲဆိုတာကို ကျွန်မ မပြောတတ်တော့ပါဘူး။

****
လူ့ဘောင်လူ့လောကမှာ ရှင်သန်နေထိုင်ရင် တခြားသူနဲ့ ကိုယ့်ကိုယ်ကိုယ်နှိုင်းယှဉ်ပြီး ဝေဖန်ပိုင်းခြားတတ်ကြတာက သဘာဝပါ။ ဒီလို ဝေဖန်ပိုင်းခြားမှုတွေက လိုအပ်ပါတယ်။ ဒါကို အမေရိကန်စိတ်ဗေဒပညာရှင် Festinger က ဒီလိုနှိုင်းယှဉ်မှုဖြစ်စဉ်ကို Social comparison လို့သတ်မှတ်ပါတယ်။

အခြေအနေချင်းတူတဲ့လူနဲ့ နှိုင်းယှဉ်တာက အမှားကင်းတဲ့နှိုင်းယှဉ်နည်းပါ။ ဒါပေမယ့် တချို့တချို့ကတော့ ကိုယ့်ထက်အခြေအနေမြင့်၊ ပိုမြင့်သူတွေနဲ့နှိုင်းယှဉ်တာကို နှစ်သက်ကြပါတယ်။ ကိုယ်ကအားမသန်လည်း ကိုယ့်ထက်သာတဲ့လူနဲ့ ပြိုင်ချင်ကြတယ်။ ကိုယ့်ရဲ့ဝင်ကြွားမှု ဒါမှမဟုတ် ကိုယ့်ရဲ့မိမိကိုယ်ကိုယ်လေးစားစိတ်ကို ထိန်းသိမ်းလိုကြတယ်။ ဒီလိုအပြုအမူကို “ခိုင်းနှိုင်းခြင်း” လို့ခေါ်တယ်။ ဒီလိုနှိုင်းယှဉ်ခိုင်းနှိုင်းရတဲ့အကြောင်းရင်းက ဝင့်ကြွားလိုစိတ်ကနေ လာတာဖြစ်တယ်။
ရည်းစားဟောင်း စည်သူစိုးနဲ့ပြန်ဆုံတော့ သိင်္ဂီချိုရဲ့မိမိကိုယ်ကိုယ်လေးစားစိတ်ကို ထိုးနှက်မိသွားတယ်။ အကြောင်းက စည်သူစိုးရဲ့ဘဝက သူထင်သလို ဆင်းရဲမွဲချာမနေဘဲ သူ့ထက်သာနေခဲ့လို့ဖြစ်တယ်။ ကိုယ့်ဂုဏ်ကိုထိန်းထားချင်ပြီး သူ့ရဲ့သာမန်ဘဝကို စည်သူစိုးနဲ့ သူ့အပေါင်းအသင်းတွေ မသိမမြင်စေချင်လို့ သိင်္ဂီချိုဟာ သူ့ဘဝလူနေမှုအဆင့်အတန်းကို လိမ်ညာရေးဆွဲခဲ့တော့တယ်။ ဒီလိုလိမ်ညာနိုင်ဖို့ ဟိုလူဆီပိုက်ဆံချေး ဒီလူဆီပိုက်ဆံချေးနဲ့ နေအိမ်စီးပွားရေးကို ကြပ်တည်းအောင်၊ လင်မယားကြား မသင့်မြတ်အောင်လုပ်မိတော့တယ်။

ကိုယ်ငွေကြေးမပြည့်စုံတာကိုသိသိနဲ့ စားဝတ်နေရေးမှာ စည်သူစိုးကို သူအရှုံးမပေးချင်ခဲ့ဘူး။ ဒါဟာ ဝင့်ကြွားလိုစိတ်ကြောင့်ဖြစ်လာတဲ့ ယှဉ်ပြိုင်မှုဖြစ်တယ်။ ဒီလိုယှဉ်ပြိုင်မှုက သူ့ကိုမောပန်းစေသလို သူ့မိသားစု၊ သူ့သူငယ်ချင်းတွေကိုပါ နွှယ်ငင်စေတော့တယ်။ ဒီ့အတွက် သူအများကြီး ပြန်ပေးဆပ်ရမှာပါ။
ကိုမျိုးမင်းနဲ့ သူရဲ့အခြေအနေက အကောင်းဘက်ရောက်အောင် ပြန်ဖာထေးနိုင်ပါတယ်။ ဒါဟာ ဝင့်ကြွားလိုစိတ်ကြောင့်ဖြစ်လာတဲ့ အကျိုးဆက်ဆိုတာကိုသိရင် ဝင့်ကြွားလိုစိတ်ကိုချိုးနှိမ်ပြီး အရင်လို ဘဝကိုလက်တွေ့ကျကျ ဖြတ်သန်းနိုင်ပါတယ်။

မိဘ၊ သူငယ်ချင်းမိတ်ဆွေတိုရဲ့ ခံစားချက်ကိုလည်း သိတတ်ရမှာပါ။ ကိုယ့်ရဲ့ဝင့်ကြွားလိုစိတ်နဲ့ သူ့တို့ကို စိတ်ဖိအားတွေမပေးမိဖို့ လိုပါတယ်။ ဝင့်ကြွားလိုစိတ်ရှိသူက သူကိုယ်တိုင်အတွက်ပဲ မြင်တတ်ကြတယ်။ တခြားလူကို အရှုံးမပေးလိုစိတ်နဲ့ ကိုယ့်မိသားစု၊ ကိုယ့်ချစ်သူ၊ ကိုယ်မိတ်ဆွေတွေကို လျစ်လျူရှုမိတတ်ကြတယ်။ မိသားစု၊ သူငယ်ချင်း၊ လင်ယောက်ျားအပေါ်ထားတဲ့ ချစ်ခြင်းမေတ္တာတွေက အပြင်ပန်းထက် ပိုအရေးပါတယ်ဆိုတာကို သိင်္ဂီချိုတစ်ယောက် နားလည်သင့်ပါတယ်။ တကယ်လို့ ဒါတွေကိုဆုံးရှုံးရင် အဖိုးတန်ရတနာတွေကို ဆုံးရှုံးတာထက်ဆိုးပါတယ်။

ဝင့်ကြွားမှုကြောင့်ဖြစ်လာမယ့်အကျိုးဆက်က ရှည်လျားပါတယ်။ ဒါကြောင့် ကြီးလေးတဲ့ပေးဆပ်မှုတွေ ပြန်ပေးဆပ်ရပါတယ်။

အပြင်ပန်းအလှတရားထက် ကိုယ်တတ်နိုင်စွမ်းက ပိုအရေးပါပါတယ်။ တိုက်တာကြီးမှာနေ၊ အဆင့်အတန်းမြင့်မြင့် ပြင်ဆင်ဝတ်စား၊ အကောင်းစားတွေသုံးတာက တခြားလူရဲ့လေးစားမှုကို ခံယူဖို့အတွက် အရေးမပါပါဘူး။ ကိုယ်ပိုင်အရည်အချင်း၊ ကိုယ်ရဲ့လုပ်ဆောင်နိုင်မှု၊ ကိုယ်ရဲ့စွမ်းအားကမှ အရေးပါပါတယ်။ အဓိကအချက်က မိမိကိုယ်ကိုယ်ယုံကြည်မှုရှိဖို့ပါပဲ။ အပြင်ပန်းပြင်ဆင်အားထုတ်မှုကို အတွင်းစိတ်ပျိုးထောင်မှုနဲ့ ကိုယ်ခွန်အားအပေါ်မှာပဲ ပိုသုံးသင့်ပါတယ်။ ဒါမှ လူတကာအားကျ၊ လေးစားသူဖြစ်မှာပါ။

တည်ငြိမ်အေးချမ်းတဲ့စိတ်တစ်ခုနဲ့ ကိုယ့်အထွာမှာနေထိုင်တတ်ဖို့ ကျင့်ကြံရမှာပါ။ ကိုယ့်အကြည့်ကို ကိုယ်ထက်စားဝတ်နေရေးသာသူအပေါ်မှာပဲ စူးစိုက်ကြည့်မနေသင့်ပါဘူး။ ကိုယ့်ပတ်ဝန်းကျင်က သာမန်လူနေမှုဘဝအခြေအနေကိုလည်း လေ့လာသင့်ပါတယ်။ ဝင်ငွေနဲ့ ထွက်ငွေကို စာရင်းမှတ်ထားဖို့သင့်ပါတယ်။ ကြပ်တည်းလာရင် ချွေတာသုံးတာမျိုးနဲ့ အဝင်အထွက် မျှတနေသင့်ပါတယ်။
အခုလက်ရှိလူနေမှုအဆင့်အတန်းကို မြင့်တင်ချင်ရင် မှန်ကန်တိကျတဲ့ ပစ်မှတ်တစ်ခု အရင်ထားရမှာပါ။ အဲဒီပစ်မှတ်အတွက် နှစ်ယောက်အတူကြိုးစားပါမှ ခိုင်မြဲတည်ငြိမ်တဲ့ တိုးတက်ပြောင်းလဲတဲ့ဘဝကိုရမှာ ဖြစ်ပါတယ်။

*****

စိတ်ပညာ တရုတ်စာရေးဆရာမ Xiao YuBing ရေးသားပြုစုတဲ့ " မိန်းကလေးတစ်သက်လေ့ကျင့်သင်ယူရမယ့် အိမ်ထောင်ရေး၊ အချစ်ရေး" စာအုပ်ထဲက စာတစ်ပုဒ်ဖြစ်ပါတယ်။ အဲဒီစာအုပ်မှာ အချစ်ရေး၊ အိမ်ထောင်ရေး၊ တတိယလူအရေး၊ ကွာရှင်းရေးတွေကို ရေးသားထားပါတယ်။ တကယ်လက်တွေ့ကြုံခဲ့ရသူတွေ ပြောပြတာကို စာရေးဆရာက ပြန်ရေးထားတာဖြစ်ပါတယ်။ အဲဒီစာအုပ်ထဲမှာ စာဖတ်သူတွေနဲ့သက်ဆိုင်မယ့် ဇာတ်လမ်းတစ်ပုဒ်တော့ ပါကောင်းပါမှာပါ။ ကျွန်မက ဆီလျှော်အောင် ဘာသာပြန်မျှဝေပြီး ဖတ်ရလွယ်အောင် နာမည်တွေကို မြန်မာမူပြုပါတယ်။ နာမည်တူ တိုက်ဆိုင်တာတွေရှိရင် ခွင့်လွှတ်နားလည်ပေးစေချင်ပါတယ်။
.
#နိုင်းနိုင်းစနေ
.